கருணாநிதி நூற்றாண்டு விழாவை முன்னிட்டு, சேலம் மாவட்டத்தில் மாற்றுத்திறனாளிகளுக்கான சிறப்பு மருத்துவ முகாம்.

கருணாநிதி நூற்றாண்டு விழாவை முன்னிட்டு, சேலம் மாவட்டத்தில் மாற்றுத்திறனாளிகளுக்கான சிறப்பு மருத்துவ முகாம் வரும் ஆக. 18, 19 ஆகிய தேதிகளில் நடைபெறவுள்ளன என்று மாவட்ட ஆட்சியா் காா்மேகம் தெரிவித்துள்ளாா். இது தொடா்பாக ஆட்சியா் காா்மேகம் வெளியிட்டுள்ள செய்திக் குறிப்பில் கூறியிருப்பதாவது:

கருணாநிதி நூற்றாண்டு விழாவை சிறப்பிக்கும் வகையில் மாவட்டம் தோறும் துறை வாரியாக பல்வேறு நலத்திட்ட முகாம்கள் நடத்திட தமிழக அரசு முடிவு செய்துள்ளது.

சேலம் மாவட்டத்தில் இதற்கென மருத்துவ முகாம்கள், தனியாா் துறை வேலைவாய்ப்பு முகாம்கள் உள்பட பல்வேறு மக்கள் நலத்திட்டங்கள் செயல்படுத்தப்பட்டு வருகின்றன. அந்த வகையில், மாற்றுத்திறனாளிகள் நலத்துறை சாா்பில் மாற்றுத் திறனாளிகளுக்கான சிறப்பு மருத்துவ முகாம்கள் வரும் ஆக. 18ஆம் தேதி சேலம் மாநகராட்சி தொங்கும் பூங்காவிலும், ஆக. 19 ஆம் தேதி ஆத்தூா் அரசு ஆண்கள் மேல்நிலைப் பள்ளியிலும் காலை 9 மணி முதல் மாலை 5 மணி வரை நடைபெற உள்ளது.